MAHATET Exam 2026 Updates: महाराष्ट्र राज्यातील शिक्षक बनू इच्छिणाऱ्या उमेदवारांसाठी एक अत्यंत महत्त्वाची आणि मोठी बातमी समोर आली आहे. महाराष्ट्र राज्य परीक्षा परिषद, पुणे यांनी MAHATET 2026 परीक्षेच्या आयोजनाबाबत एक अधिकृत पत्र जाहीर केले आहे.
मिळालेल्या माहितीनुसार, यापूर्वी २८ जून २०२६ रोजी होणारी टीईटी परीक्षा पुढे ढकलण्यात आली असून, आता ही परीक्षा IBPS या नामांकित संस्थेमार्फत ऑनलाईन पद्धतीने (Online Mode) घेतली जाणार आहे.
या बदलांविषयी सविस्तर माहिती आणि शासनाचे नवीन आदेश काय आहेत, ते आपण या ब्लॉगमध्ये जाणून घेऊया.
MAHATET 2026 परीक्षेची आकडेवारी (Statistics)
या परीक्षेसाठी संपूर्ण महाराष्ट्रातून लाखो विद्यार्थ्यांनी अर्ज केले आहेत. परीक्षा परिषदेच्या पत्रानुसार आकडेवारी खालीलप्रमाणे आहे:
पेपर क्र. १ (प्राथमिक): एकूण २,५८,०६१ परीक्षार्थी
Paper क्र. २ (उच्च प्राथमिक): एकूण ३,४२,०६४ परीक्षार्थी
एकूण उमेदवार: ६,००,१२५ परीक्षार्थी
निश्चित केलेली परीक्षा केंद्रे: एकूण १७२१ केंद्रे (पेपर १ साठी ७०१ आणि पेपर २ साठी १०२८ केंद्रे)
२८ जूनची परीक्षा का पुढे ढकलली?
महाराष्ट्र राज्य परीक्षा परिषदेने प्रसिद्ध केलेल्या पत्रानुसार, २८ जून २०२६ रोजी होणारी परीक्षा जाहीर प्रकटनाद्वारे पुढे ढकलण्यात आली होती. आता ही परीक्षा संपूर्ण पारदर्शकता आणि सुरक्षिततेसह घेण्यासाठी IBPS (G गोपनीय संस्था, मुंबई) कडे ऑनलाईन आयोजनाची जबाबदारी सोपवण्यात येत आहे.
शक्य तितक्या लवकर या परीक्षेचे ऑनलाईन नियोजन करावे, अशी विनंती परीक्षा परिषदेचे आयुक्त महेश चोथे यांनी IBPS ला पत्राद्वारे केली आहे.
सर्वोच्च न्यायालयाचा निर्णय आणि २०२८ पर्यंत मुदत!
या पत्रात माननीय सर्वोच्च न्यायालयाच्या १ सप्टेंबर २०२५ रोजीच्या याचिका क्र. १३८५/२०२५ च्या निर्णयाचाही हवाला देण्यात आला आहे.
न्यायालयाच्या आदेशानुसार, सेवेतील शिक्षकांना टीईटी (TET) परीक्षा उत्तीर्ण होणे अनिवार्य करण्यात आले आहे.
जे शिक्षक अद्याप उत्तीर्ण झालेले नाहीत, त्यांना परीक्षा उत्तीर्ण होण्यासाठी सन २०२८ पर्यंत मुदत देण्यात आली आहे.
शिक्षकांना संधी मिळण्यासाठी आता ही परीक्षा वर्षातून किमान दोनदा घेण्याचे देखील प्रस्तावित आहे.
ऑनलाईन परीक्षेचा फायदा काय?
महाराष्ट्र शासनाच्या निर्देशानुसार, आता इथून पुढच्या परीक्षा देखील ऑनलाईन कार्यपद्धतीचा अवलंब करूनच घेतल्या जातील. IBPS मार्फत परीक्षा होणार असल्याने:
१. परीक्षेमध्ये पूर्ण पारदर्शकता राहील.
२. पेपर फुटी किंवा इतर गैरप्रकारांना आळा बसेल.
३. निकाल जलद गतीने लागण्यास मदत होईल.
महत्त्वाचे लिंक्स आणि संपर्क:
अधिकृत वेबसाईट: www.mscepune.in
ईमेल:mscepune@gmail.com
टीईटी परीक्षेची तयारी करणाऱ्या उमेदवारांनी आता ऑनलाईन परीक्षेच्या (IBPS Pattern) दृष्टीने आपला अभ्यास सुरू ठेवावा. परीक्षेच्या नवीन तारखा लवकरच अधिकृत वेबसाईटवर जाहीर केल्या जातील.
Post a Comment